8月尾的黃昏，夕陽只是在厚厚的雲層的縫隙中殘喘。建宗一邊急步向前走，一邊慌張的回頭四望。左手拿着淺黃色的Tee, 隱約見到衫上印着「O'」字樣。右手牢牢的抓着一個漲漲的黑色錢包，應該有不少錢在內。走着走着，來到一條長長的樓梯下，樓梯兩邊扶手前端都有一隻不知明的怪獸。在昏暗的環境中顯的格外詭異。建宗不自覺地又回頭望着後面的草叢。
「拍」兩只手差不多同時從後大力的拍在建宗的兩邊的肩膀上，然後抓緊。建宗慌張的極力掙扎，但始終無法移動半分。「淺黃色衫，隔離組嘅！你係...?」建宗驚魂未定，但從對方的語氣，似乎不是想對自己不利。於是他把頭一轉，向後一望，見到兩名身穿紅衫的青年。左手邊的青年再問：「你叫咩名？」
建宗認得剛才說話的就是這名少年，盤算過形勢之後，建宗開口答道：「Ken。」
另一名青年突然說：「你就係果個唔知點解讀Maths會派咗入我地hall嘅Freshman? 佢叫Aaron, 我叫阿傑。係哩，你係唔係真係第二日想係中學教書呀？你......」
「夠啦Kitkat, 唔好再講埋哂d無聊野。夠鐘啦。我最憎人遲到，我都唔想遲呀。阿Ken, 快d一齊入去啦，今日最後一個game要開始啦。輸咗嘅大懲罰好金架，你都唔想做俾人罰果個架。」
「不過......」建宗正想申辯，卻被Aaron及Kitkat一同拉着，朝梯級頂的大門走去。
「不過咩呀，快d行啦。件組衫邊行邊著啦。今晚你果組得返你一個要玩終極死戰，邊個叫你頭先玩玩下走咗去見女友呀。其他組每組仲有兩個人。不過唔使驚，個人賽黎嘅，你冇咩蝕底嘅。但係，輸咗就要大懲罰，冇人陪架，比死更難受㗎。
你個死人Aaron, 講咗幾多次我叫阿傑，唔係Kitkat呀！
呀，阿Ken, 頭先搵你個個女仔叫咩名話？趙咩話？」
「鬼叫你咁鍾意食Kitkat呀，個個都咁叫你㗎喇！行快d啦，遲到啦。」
「但係，個終極死戰係咩黎......?」建宗一邊被拉着走，一邊以陰柔的聲音問道。
「入得呢間hall,最終極嘅緊係同醫科有關架啦。雖然個名就改的凶狠，其實只不過係醫療知識問題比賽黎啫...咦，你好似讀Maths架喎......哈哈哈哈，祝你好運！」Kitkat說罷露出一道憐憫的目光，望了建宗一眼！
他們一行三人進了大門，再上了這傳統英式古堡建築的二樓。經過長長的走廊，Aaron跟Kitkat就將建宗帶進一間大約二百平方呎的房間。房間的一邊放了一張長方形的木製餐桌。六張用同樣的木材製造的椅子圍着餐桌。上面已經坐著六名青年, 分別穿着紅色，藍色和橙色的T裇，不同顏色應該代表不同的組別吧。就如Kitkat所說，每組都有兩個組員，只有建宗是穿着淺黃色衫。
房間的另一邊有一套看上來很有歷史的啡色沙發。上面盤膝而坐的是身穿跟Aaron及Kitkat一樣的白色Polo裇的青年。他一臉稚氣，像初中生。正在專注於手上一疊卡片的他，並沒有理會剛進來的三人。
「Linus! 搵到佢啦，係四不像果度呀佢。會女友攪到唔記得時間，不過應該唔係想走佬嘅。講開又講佢分分鐘多女過Aaron呀......」
「收聲啦Kitkat! Linus其他人呢？」
「芝麻，台灣仔，同博士去咗搵野食，應該好快返...」坐在沙發上的青年眼睛不離手中卡片，隨口答道。
同一時間，Kitkat身後出現三個分別身穿紅色，藍色和橙色Polo裇的青年，所有人都是一副滿足的樣子。
「人齊，開始啦。」Linus終於抬起頭來。
「咪住，櫻木呢？」Kitkat問。
「櫻木條友俾隔離hall三個女神叫咗去霄夜，好似話落山食糖水。睇過樣有排都唔會返。冇所謂啦，今晚個大懲罰係個人嘅，組長唔係度都算啦。」身穿藍色Polo裇，樣貌看上來似中年大叔的青年一臉不甘的說。
「點解我咁靚仔，Susan, Kristy 同Nicole呢三個女神都唔揀我？櫻木除咗身高6呎1, 又識打籃球之外，咪又係成個大叔咁樣！有邊樣野好過我？台灣仔都有個台妹，我就咩都冇，公平咩？」
身穿藍色Polo裇的青年一手蓋著Kitkat的口,一邊說：「收聲啦Kitkat! 快d開始，快d完！我仲約咗Lydia今晚傾電話。今晚七月十四，我應承咗講香港嘅鬼故俾佢聽。佢係台灣應該未聽過。嘻嘻！」
台灣仔將所有人推入房間之後，雙手用力將桃木色的房門一拉，門就關上了。
不知過了多久，門又被打開了。只見身穿淺黃色T裇的建宗已被五花大綁，口中亦被塞著布條。不停掙扎着的他，已經被其他組的組員團團圍着，逃生無門。
Kitkat望着建宗，又露出了憐憫的目光。「真係可惜呀，你差少少就唔使包尾。估唔到你讀Maths嘅都識咁多醫科嘅野。其實你都幾適合讀醫科嘅，不如諗諗轉系啦。你果個乜鬼去女子中學教數學，實大把女仔鍾意你果套理論實在膚淺啦。要讀，緊係讀醫好啦，香港地做醫生就最搵錢，有錢又點會冇女朋友呀！」
「講咁多做咩呀，Kitkat!佢過到今晚先講啦。」Aaron再度停止了滔滔不絕的Kitkat.
「快d攪掂個大懲罰啦，我就夠鐘傾長途電話啦。」台灣仔似乎十分焦急。
接着所有組長就在前帶領着一眾新鮮人，離開了古堡似的宿舍，走向不遠處的醫院的其中一座大樓。途中建宗多次想逃跑，但都被圍着他的新鮮人推回人牆中央。一行人繞過大樓的正門，走向旁邊的側門，Linus拿出一串鑰匙，用其中一支打開了側門。所有人跟隨Linus走到一道門前停了下來， 上面的門牌寫着"Mortuary"!這時一班新鮮人包括建宗都覺得不安，所有人都望着Linus, 臉上都是一副不知所措的樣子。
Linus沒有說話，只是拿出了另一支鑰匙，把門鎖打開。Linus打門推開，「支」......在死寂的走廊中，門鉸所發出的聲音顯得特別刺耳......
後記:
因為正值農曆七月鬼節的時候，很多人都寫了鬼故事「應節」。令我亦想試試寫個鬼故事。一向怕鬼的我極少看恐怖電影，電視，所以能作參考的故事不多。所以就只有拿大學時期聽過的大學鬼故事作為藍本，創作這個故事。
原本只想寫一篇文章的的，不知不覺間越寫越多，只好把這個故事分開推出。這是我第一次的純故事創作，希望大家喜歡，並多多指教。謝謝！