Saleum Rakan Steemit Meutuwah 🤗
Na meusyen Awak droun neuh keu haba #pehtem Loen? Hana... 😥, kakeuh! Adak han, Iloeng meusyen Loen teumuleh dan kalon komentar Awak droun 😉.
Peu nyan Asmara Suboh?
Sampo 'an glah 3 SMP, thon 1990, watee terakhir Ulon Tuwan ikot serta dalam rombongan Asmara Suboh Aneuk Miet Gang Panti Asuhan, Hagu Selatan, Ulon Tuwan teutap han meuphom peu nyan Asmara Suboh. Miseu ta ingat kiban praktek jih, kadang jeut ta cok kesimpulan keulayi yaa? 🤔
Jadi praktek jih meuno, aleuh pajoih bu sawo, watee ka geu peh tambo imsak di meulasah, syit ka na ngon yang surak di luwa pageu moh, pakat jak seumayang suboh u Meulasah atawa Meuseujid Raya di Simpang Peut, Lancang Garam, Kota Lhokseumawe. Biasa jih, ka meupakat dilee beuklam watee lheuh seumayang traweh. Lam pakat nyan akan geu data so nyang seureuta, ho tujuan, padum jeu'oh rute dan poh padum riwang u gampong. Biasa jih, na sidrou duwa nyang umue geuh leubeh tuha dari nyang laen.
Asmara Suboh loen nyang keu phon na keuh terjadi pada thon 1984, kira2 umue loen 9 thon, glah 4 SD Inpreh Hagu Selatan, Kota Lhokseumawe. Watee nyan, kak loen nyang pakat, gobnyan ji pakat lee ngon geuh lom. Tujuan utama jak kalon teubit mata urou di Pertamina, nyou kawasan bineh pasie nyang cukop populer saweub paleng to dari Gampong (hay chit 700 mete sagai 😜 dari Meulasah Hagu Selatan, Jalan Darussalam). Nyang jak saboh rombongan adoe aduen kira-kira 10 drou. Inong sabe Inong, Agam sabe Agam, tapi miseu na adoe aduen nyang galak ikot sajan nyang laen jeut chit, pokok jih titip jaga dan kompak lah👌🤚. Troih di lokasi, jeut pencar tapi janji dile nteuk kumpoi lom watee nak wo. Kadang-2 pereutee aneuk Agam nyang agak batat, ji jak manoe laot atawa ji jak preih ureung tarek pukat. Adak pih asmara suboh nyan bisa tiep urou, tapi Ulon Tuwan jareung ji pakat, phon saweub han tjareng jaga rahasia soal lokasi tujuan😂, janji peugah jak Pertamina padahai jak u Cunda. Ya keunong seupot lah, that panyang aki meurawoh, puasa lom.
Ulon tuwan seubeutoi jih that kuwat bak ukoe jalan, teuma biasa loen jak sidrou ngen geurtangen Abang loen. Alheuh nyan iloeng cengeng bacut, mudah weuh meunan, miseu jaman now geukheun 'baperan' lah. Keujeut meunan? 🤣😄 Aneuk got akai galak membaca ngen ek bak kayee, tapi buet utama jaga adek dan bantu mak maguen. jeih? Peu hubungan jih ngen baperan? Tanyou aneuk serius han galak mayang, watee ji peukaru bacut, ranggong lee... 😝
Jadi peu nyan Asmara Suboh?
Asmara Suboh nyan na keuh suatu kegiatan meurawon bersama kawan2 atawa saudara ke suatu tempat tertentu yang ramai dikunjungi orang nyang biasa dilaksanakan lheuh seumayang Suboh hingga trang tanoh 😋🐼. Jadi, tujuan jih cuma jak peulale puasa mantong. Bah pih na syit yang memanfaatkan keu tujuan laen, misal jih tamah ngon, meurumpok ngen ureung yang tanyou galak, adu hayeu meu'en bhan lam puasa. Urou jeh panee na hape teuma, meu Tiphe (television) pih galom teunte lam saboh jurong na saboh. Jadi, hiburan aneuk miet seu la'en meu'en dan meuramien🍽️ ya jak meurawon lah🌞.
Ulon tuwan han that kayem ji pakat jak Asmara Suboh, saweub Loen na buet utama jaga adek (watee nyan adek loen ka na 4 drou, sidrou nyang nomboi 6 syit sabee lam seuningku, nyang bayek adek loen nomboi 7 dudoe jeut keu alasan utama han ikot asmara suboh lee). Ya, Ulon Tuwan han that Loen nikmati piyasan nyan, hana faedah geu peugah lee Mamak, leubeh got cok buku baca sampo teungeut. 🤓😇. Terakhir Loen jak na keuh glah 3 SMP saweub ji pakat lee ngon krab Loen, di gobnyan geu nak saweu ureung nyang geu peugah galak keu gobnyan (ngen watee sd geuh) di KP3 jinou, away kamoe kheun nyan pelabuhan.
Jadi dari loen manyak, Asmara Suboh nyan cuman kegiatan jak meurawoh abeih seumayang suboh u bineh pasie atawa tempat laen nyang rame ureung jak keu wisata meunan. Ka pasti jak meutapak, hana becak atawa 🚙moto lom watee nyan, adak na 🛵honda pih hana so ba, kiban ta ek saboh honda tapi nyang seureuta 10-12 drou? Geurtangen kiban? Jeih... Ka jeulaih aju hanjeut meunyo nyan. Geu tham aju lee ureung chik teuh, saweub Asmara Suboh nyan kon adat tanyou.
So Peu Phon Asmara Suboh?
Hom! Bek bak loen neu tanyoung 😁, han meuphom syit iloeng nyan. Pokok jih, sejak mulai jak beut sajan ngen di rumoh guree atawa seumayang u meulasah dan mulai puasa, haba nyan ka jeut keu biasa, kon rahasia lee, tapi praktek jih tidak dilarang-anjurkan.
Pajan teuma kegiatan Asmara Suboh nyan mulai heboh dan jai ureung kheun meuno meudeh nyang negatif sabee? Nyan keuh watee ka na koran, ka mudah ureung na honda, ka na Tipi rata rumoh, ka meulanggeh lah. Bek na salah loen sekitar akhee thon 1990-an ka jareung chit ureung jak, peu lom kayem na haba ji teumee manyet atawa gadoih ureung dum. Tapi sang han ngaruh that di Banda Aceh watee nyan.
Thon 1993 akhe, Iloeng ka loen jak u Banda, watee nyan chit han meuteumee jak Asmara Suboh, hana sen...pasie paleng to na keuh Tibang, nyan pih Kuala. Panee hayeu ta jak asmara suboh tapi han jeut ta kalon teubit mata urou, kira2 meunan menurut ulon tuwan. Hom Awak droun... Peu na tom neujak Asmara Suboh lagee kamoe away?
Seubeutoi jih na kejadian gura bak si urou Loen ikut Asmara Suboh nyan, tapi han jeut ta pehtem bhah nyan, kanjai teuh 😥, bah hinan keudeh lam memori sekuntum rindu nyan. Ta cok yang na faedah mantong, nyan brok bek ta ba atawa ta sah bak gob.
OKMK, Loen jak manoe dilee, ka geu wo ureung jak jumu'at👋👋👋👋
Konteh Berhadiah 1 Steem
So barangkaso nyang nak bagi haba #pehtem tentang Asmara Suboh, lanjut ju, lam basa Aceh, bek tuwo puduek #pehtem saboh bak tag neuh. Ta kalon padum drou nyang seureuta, ta bagi bacut sapoe steem nyan, miseu na yang hayeu that, ta transfer 1 SBD teuma.
Loen preih sampo 'an urou aleuhad 27 urou buleun limong beuh 🤗🤗🤗
.
Judul Kiban galak droun, hana Suwah peugah droun ikut konteh pih jeut, neu tipek link mantong bak komen. Han pih hana peu, loen kalon bak #pehtem mantong
teunang awak droun, iloeng juri nyang lucu, jadi Maken treip loen khem gara-gara tulesan droun, maken rayeuk kemungkinan droun meunang. Tapi keupeu hawa that meunang? Adak han meunang meu bacut steem kon jeut chit 😉, nteuk watee ka na sponsor loen tamah lom. Nyou keu tree dilee.
Ho teuh @tuwanku-raja ngen @apayek, @aneukpineung78, na tom jak asmara suboh awak droun? Hanjeut ikot Konteh awak hayeu lagee droun neuh... Hahahaha 😂😂😂
Rhap tuwo loen, so barangkaso nak ikut aktif dan meuturi ngen leubeh rame ureung lom, neu ci bergabung ngen Kryptonia. Neu ci dilee, miseu han jeut lom, bak posting laen loen kheun bhah nyan.
Saweub na nyang tulong promosi, loen tamah watee konteh nyou troih urou Hameh, 31 urou buleun limong beuh!